I nikogash kraj na ovie gluposti shto gi pishuvaat po vesnici. Aman kje se najde li nekoj da dade barem eden izveshtaj onaka kako shto treba bez preteruvanje so broj na gledachi i so site releventni podatoci okolu vozachi, klubovi i postignati vreminja. Nema spas.

АВТОМОБИЛИЗАМ - КРУЖНА ТРКА ВО СКОПЈЕ
Лидерите ги потврдија титулите

Лидерите во трите класи пред последната трка на кружни патеки во автомобилизам на улиците кај МРТВ и Скопски саем ги задржаа позициите и по возењето на предвидените 20 круга останаа со тој пласман и ги прославија титулите. Игор Стефановски во класата до 1.150 см3 - група А, не победи, но и со третото место собра доволно бодови на крајот да биде пред победникот на трката Никола Нестороски. Само Благоја Димитровски пред оваа трка и теоретски ја имаше потврдено титулата. Игор Стефановски од АМК Скопје, иако беше третопласиран на целта, ја освои првата титула во неговата кариера. Никола Нестороски од АМД Прилепец победи, успевајќи да се пробие до првото место, иако стартуваше од вториот ред. Слабите резултати на првите четири трки беа пресудни за конечниот пласман. Со три трети и едно четврто место, во споредба со трите победи на Стефановски и едно второ место, Несторовски се надеваше дека само со евентуален дефект на конкурентот или негово пласман под петтото место ќе освои титула.

Томислав Трајковски немаше причина да форсира во дуелот со Даниел Крстевски, победникот на трката. За шампионот Трајковски најважно беше да има доволен број возила за да може трката да се бодува и да ја заврши трката со освоени три бода за да може да ја потврди титулата. Крстевски победи, а Трајковски беше втор.

Единствено Благоја Димитровски од Автоклиника пред оваа трка ја имаше потврдено титулата во класата до 1.600 см3 - група хоби. И покрај тоа, не дозволи некој друг да се радува на крајот, победувајќи по четврти пат сезонава и со вкупно 56 бода и официјално да ја прослави титулата. Слободан Трајковски е втор со 33 бода, и победи на две трки, а Орхан Амет трет. Тој имаше инцидент на стартот од втората дивизија, кога на првата шикана се судрија со Владимир Димушевски од класа 4, по што и двајцата завршија на шлеп-возилото.
Блаже Јанакиевски немаше вистински конкурент во најсилната класа, до 2.000 см3 - група Н и СП. Ова беше петта победа на Јанакиевски, со хонда тајп Р. Дејан Георгиевски со опел кадет беше втор и тоа место го освои во генералниот пласман.

Во декември или јануари ќе биде познат и предлог календарот за следната сезона, но се поизвесно е дека во Скопје ќе има барем една меѓународна трка во организација на Примо рејсинг-тимот.

АВТОМОБИЛИЗАМ - ЗАВРШИ ДРЖАВНОТО ПРВЕНСТВО НА КРУЖНИ ПАТЕКИ
Стефановски во последен миг ја обезбеди титулата меѓу "југовците"


Во мошне интересна трка, со повеќе претекнувања, но без инциденти Игор Стефановски од "Скопје" ја потврди титулата во Класата 1 ("Југо"), иако вчера на патеката пред МТВ целта ја мина како трет. Првото место му припадна на Никола Несторовски од "Прилепец" со време од 27:08.718 минути, но тој во генералниот пласман остана втор со 42 бодови, два помалку од Стефановски. Несторовски на пет круга пред крајот се одлепи од двоецот од "Скопје", Давидовски - Стефановски, но тоа не му беше доволно за титулата. Втор на последната трка беше Виктор Давидовски од "Скопје" (27:12.192), а четвртопласираниот Мијалче Василевски со 33 бодови сезоната ја заврши како трет во генералниот пласман.
Шампион на Македонија за 2004 година во Класата 2 (до 1400 кубици е Томислав Трајковски од "Прилепец" со 36 бодови, пред Даниел Крстевски од Еуроимпекс со 30 бодови и Влатко Симоновски од Импегна Рејсинг со 28. Прв на оваа трка беше Даниел Крстевски (26:52.258), пред шампионот Трајковски (27:08.642), кому осум бодови му беа доволни за конечен триумф. Трет целната линија ја мина Влатко Симоновски со круг заостанување.
Во најсилната Класа 4 (до 2000 кубици според очекувања трката како прв ја заврши Блаже Јанакиевски од Макпетрол (25:53.735) и со 56 бодови се закити со титулата државен шампион. Второто место и на трката и во генералниот пласман му припадна на Дејан Георгиевски од Автоклиника спорт (27:00.958, 46 бодови, а како трет заврши неговиот клупски колега Жикица Доневски. Во еден инцидент на првата шикана по стартот настрада возилото на третопласираниот во генералниот пласман пред оваа трка, Владимир Димушевски од Примо Рејсинг и предвреме ја заврши трката.
Најнеинтересно беше во Класата 3 (до 1600 кубици, бидејќи носителот на титулата беше познат од претходно. Благоја Димитровски од Автоклиника и на оваа трка беше прв и ја потврди својата доминација во оваа класа. Тој сезонава освои 56 бодови, 23 повеќе од вториот Слободан Трајковски, кој и на овој натпревар заврши како втор. Трет беше Исмет Ајредини од Уно рејсинг.

Со победата во последната трка од ДШ на кружни патеки во Скопје

Димитровски ја одбрани титулата во класата хоби
Томислав Трајковски од Скопје ја освои шампионската титула во класата до 1.400 ксм со 36 бода





Благоја Димитровски од тимот на Автоклиника спорт од Скопје со победата во шестата и последна трка сезонава на патеката кај зградата на МРТВ ја одбрани шампионската титула во класата хоби (до 1.600 кубни сантиметри во Шампионатот на Македонија во автомобилизам на кружни патеки. Второто место во вчерашната трка го освои Слободан Трајковски од Прилепец, а трет беше Ајредини. Во генералниот пласман во оваа класа старо-новиот првак Димитровски има 56 бода, а второпласираниот Трајковски 33.

Никола Несторовски од Прилепец не успеа да ја освои златната кацига што му се доделува на шампионот во една класа три години едноподруго иако победи во последната трка сезонава во класата до 1.150 ксм, бидејќи на третопласираниот Игор Стефановски од Скопје му беше доволно и третото место за да ја зачува предноста и да остане на врвот. Стефановски во генералниот поредок има 44 бода, само два повеќе од Несторовски, а трет со 32 бода е Виктор Давидовски од Скопје, кој вчерашната трка ја заврши на второто место.

Томислав Трајковски од Скопје ја освои шампионската титула во класата до 1.400 ксм со 36 бода, пред Даниел Крстевски од Еуроимпекс со 30 и Влатко Симоновски со 28. Крстевски со своето "пежо 106" победи во последната трка годинава, Трајковски беше втор, а Симоновски трет.

Во најсилната класа титулата со убедлива предност ја освои Блаже Јанакиевски од Макпетрол со 56 бода, втор е Дејан Георгиевски од Автоклиника спорт со 46. Таков беше редоследот и во вчерашната трка кај МРТВ, во која третото место му припадна на Жикица Доневски од Автоклиника спорт.

Последниот натпревар од годинашната сезона го организираа Автомото сојузот на Македонија и автомото клубот Импегна од Скопје.

Epa drugari nema spas od netochni informacii vo nashive vesnici. No shto e tuka e, nema koj da im dade edna po nos zatoa shto se nepismeni. A i lugjeto ne se krivi pogotovo shto povekjeto od niv vo svoite matichni kukji se zadolzheni za pokrivanje na nekolku sportovi megju koi i nashiov. Aj zdravje drugata godina kje bide podobro.

АВТОМОБИЛИЗАМ
Димушевски ќе настапува на ЕП

По освоеното второ место во ланскиот шампионат ФИА Челинџ, нараснаа апетитите на нашиот најпознат возач Александар Димушевски, кој сезонава ќе се натпреварува во најсилното европско автомобилистичко натпреварување на ридско-брзински патеки, Европскиот шампионат.

- Годинава првпат ќе настапам на Европскиот шампионат. Најверојатно тоа ќе биде во класата до 2000 см3, но не е сигурно во која група. Мојата цел е да се пласирам помеѓу првите шестмина - изјави популарниот Вуле, кој е првиот Македонец што ќе настапи на ова натпреварување.

Возачот на Примо рејсинг на шампионатот ќе настапи со "рено клио спорт", истиот автомобил со кој настапуваше последниве сезони. - Автомобилот ќе биде конкурентен во мојата класа, особено што во наредниот период му следуваат технички модификации во Италија и во Германија, кои ќе го направат помоќен - додаде Димушевски. - Со помош на моите спонзори имавме можност да набавиме помоќно "рено", но не добив никакви бенефиции како спортист што ќе се натпреварува во Европа, ниту пак изостанаа царините за автомобилот, кој требаше да биде внесен во Македонија како спортски реквизит. Автомобилот ни се виде прескап и не го набавивме.

Димушевски, од 12 трки, ќе настапи на 8 во Австрија, Чешка, Словачка, Швајцарија, Франција, Хрватска и на две во Италија. Првата трка ќе се одржи на 22 април во Регзберг, Австрија.

Поради презафатеност, Димушевски нема да настапува на ФИА Челинџ и на Централноевропскиот шампионат годинава.

------------------------------------------------------------------------------------
22 - 24/04 A Grosser Bergpreis von Österreich/Rechberg
13 - 15/05 E Subida Internacional Al Fito
21 - 22/05 P Rampa Internacional Serra Da Estrela
04 - 05/06 CZ Ecce Homo Sternberk
10 - 12/06 D Trierer ADAC Bergrennen
24 - 26/06 I Trofeo Valle Camonica
02 - 03/07 I Coppa Bruno Carotti
23 - 24/07 SK Slovakia Matador 2005
06 - 07/08 F Course de Côte du Mont Dore
20 - 21/08 CH Course de côte St. Ursanne-Les Rangiers
17 - 18/09 HR Buzetski dani 2005

КАРТИНГ - Државен шампионат
Првата трка за Ѓоко Данилов


Ѓоко Данилов оствари победа во класата до 125 кубици на првата трка од државниот шампионат во картинг што се одржа на картодромот во Волково во организација на авто-мото клубот "Еурокс".
Втората позиција му припадна на Јован Ачимиќ, а трет на пиедесталот се најде младиот Марко Блажевски. Во оваа категорија се возеа 20 круга.
Во првата класа, пак, победата ја однесе Ристо Вуков од тимот на Промотор спорт кој 15-те круга ги извозе за 11 минути. Втор на целта пристигна Дејан Дамовски од истиот клуб кој задоцни десет секунди. Трет беше Денис Јанев од гостинскиот тим од Бугарија, Хидро Рејсинг тим, кој доцнеше цели 30 секунди.
Во класата 2, првото место му припадна на Марко Блажевски од Еурокс кој 19-те круга ги извозе за 12:31,564 минути, втор беше Раде Гавриловски од Макс Карт (12:31,942). Третото место и припадна на Петија Барамска од бугарскиот Делта Карт.
Победник во класата 3 беше Никола Марковиќ од Макс карт со време од 12:58 минути. На втората позиција се пласираше Коста Николовски од Еурокс, додека Игор Јовановски од Прилепец беше трет.

------------------------------------------------------------------------------------

КАРТИНГ - ДРЖАВНО ПРВЕНСТВО
Данилов најдобар во првата трка

Авто-мото сезоната за 2005 г. беше отворена во неделата со првата трка од Отвореното државно првенство во картинг, која се одржа на картодромот во скопската населба Волково, а беше организирана од "Еурокс" од Скопје. На стартот од сезоната учествуваа над 20-тина натпреварувачи.

Во најсилната класа до 125 см3, во која се возеа 20 круга, победник беше Ѓоко Данилов. Второто место го освои Јован Аќимиќ, а трет на целта пристигна Марко Блажевски. Во првата класа се возеа 15 круга, а најдобар беше Ристо Вуков од Промотор. Зад него со 10 секунди задоцнување се пласира неговиот тимски колега Дејан Дамовски, а трката како трет ја заврши гостинот Денис Јанев од бугарскиот клуб Хидро рејсинг тим.

Во втората класа, 19 круга најбрзо ги извозе Марко Блажевски од Еурокс во неизвесна трка до самиот крај со второпласираниот Раде Гавриловски од Макс-карт. Трет на целта се појави Петија Бајрамска од бугарскиот клуб Делта Карт.

Никола Марковиќ од Макс-карт беше најдобар во третата класа. Втората позиција му припадна на Коста Николовски од Еурокс, а Игор Јовановски од Прилепец беше последен меѓу првите тројца.

До крајот на картинг-сезоната ќе се одржат уште четири трки, од кои следните три се повторно во Волково, а последната пред зградата на МРТВ во Скопје. Следната трка ќе се вози на 17 април, во организација на Макс-карт.


Nekoj od nekogo prepisuval, ama ne razbrale deka gi objavuvaat rezultatite od vtorata trka.

A za ova epten se iznervirav, ama nikoj nejke da priznae.

Srpce (NB) tvrdi deka slikata mu e pratena od Primo (ne go cuva mailot, brisel takvi stvari ), a Vlatko S. vika deka mu pratil samo info bez slika.

Ako koza laze PG galerija ne laze. Krsenje na avtorski prava se pravi vaka.




Photo by Katz

p.s don't try these at home

ОДЛУКА НА СКОПСКИОТ ГРАДОНАЧАЛНИК
Костовски ги забрани трките на Водно

Ридско-брзинските автомобилски трки викендов нема да се одржат на планината Водно, реши скопскиот градоначалник Трифун Костовски. Градскиот комитет за урбанизам, екологија и собраќај вчера на организаторот на трките, тркачкиот тим "Импегна", му испратил негативен одговор на барањето за дозвола в сабота и в недела да се одржат закажаните трки на Водно.

- Ова е прв чекор на градоначалникот Трифун Костовски за заштита на скопската планина. Во иднина повеќе нема да се одржуваат трки на Водно. Организаторот побара дозвола од Градскиот комитет, но не ја доби, оти ќе биде во колизија со правната регулатива за заштита на парк-шумата Водно, донесена од Одделението за екологија - вели Маја Мухиќ, портпаролка на Костовски.

Според неа, во писмениот одговорот до "Импегна", Градскиот комитет наведува дека има отворен простор за средби на кои би се разгледале алтернативите.

- Ова не значи дека трките се укинуваат. Градската власт е подготвена да соработува со организаторите на трките и да ги разгледаме можностите да се одржуваат на други локации. Главна цел е да го заштитиме Водно, кое е многу значајно место за рекреација на граѓаните - вели Мухиќ.

Неделните трки на Водно треба да бидат први во националниот шампионат. Во Авто-мото сојузот на Македонија, кој го организира шампионатот, велат дека се изненадени од одлуката.

- На вчерашната седница на Спортската комисија во АМСМ одлучивме до денеска да го почекаме образложението врз која основа е забранета трката што треба да го отвори националното првенство. Се уште се надеваме дека ќе се одржи. Ако сепак не добиеме дозвола, ќе го одложиме натпреварот. Можеме да разгледуваме алтернативни патеки, но не е во ред што ова се случува пред самиот старт на првенството. Традицијата со трките на Водно е долга 30 години - вели Милорад Китановски, претседател на Спортската комисија во АМСМ.

Тој се прашува што ќе се случи со европската трка "Челинџ", која е влезена во календарот на ФИА (Светска автомобилска федерација. Спонзор на таа трка, која првпат се одржа лани, е и Градското собрание. Претходниот Совет на град Скопје во градскиот буџет за 2005 година одвои 120.000 денари за таа трка, наречена "Награда на Град Скопје, Водно 2005".

Според Маја Мухиќ, градоначалникот Костовски размислува и натаму да го ограничува сообраќајот на Водно. Можно е негов следен потег да биде ограничување на движењето на возилата за време на викендите, но засега не е донесена таква одлука.

Deneshen dnevnik, duri imashe i na naslovna (mozhebi za prv pat)

Neverojatno e kolku brgu rabotite zastaruvaat

ПУ ПУ НЕ ВАЖИ

МАКЕДОНСКА РАБОТА...