Vo avto kalendarot se 4 trki vo Kicevo:
30.05.-01.06. Kicevo
28-29.06. Kicevo
23-24.08. Kicevo
20-21.09. Kicevo

Spored informacijava, kalendarot e dobien od moto federacijata. Toa sto e navedeno deka site trki ke se vo Kicevo vazi za motociklizam.
Od ona sto ja go slusnav, tri od ovie cetiri trki ke bidat zaednicki termini za avto i moto trki.

Interesno e sta na oficijalnata strana na moto federacijata ima razlicen kalendar od navedeniot.

28-29.06. Kicevo
26-27.07. Kicevo
23-24.08. Kicevo
20-21.09. Kicevo

epa taka ke bide se dodeka za avtomoto sportovite pisuvaat lugje koj ne stapnale na nekoja patek ili uste pomalku bile gledaci

Од денешен Дневник


Со Водно почнува авто-сезоната

Со помалку возила од лани, но, со доволно квалитетни натпреварувачи кои ќе придонесат за продолжување на добрата традиција, вчера беше најавена меѓународната ридска автомобилистичка трка „Водно 2008“, која всушност значи и почеток на новата сезона во овој спорт. На Водно в недела се очекуваат меѓу 70 и 80 возила, заедно со оние од странство, но, веројатно без ѕвездите од Србија, бидејќи таму истовремено се вози кружна трка. - Патеката на Водно за многумина е една од најдобрите, пред се' поради близината на градот и големата посетеност. Во зависност од временските услови, се очекува на отворањето на сезоната да има над 10.000 посетители. Апелираме на почитување на сигнализацијата и гледање на трката од безбедни места без да се изложуваат на дополнителен ризик гледачите - изјави Велибор Каевски, директорот на натпреварот. Од познатите возачи на Водно треба да се појават Петер Јурена од Словачка, кој е шампион на Европа, и вози „мицубиши лансер Ево 9“, Ласло Хернаги од Унгарија и Петар Вучиќ победникот од ЦЕЗ. Ќе има и три формули, и тоа „нисан“, „далара“ и „лотус“ кои ќе го зголемат возбудувањето. Од македонските натпреварувачи се' уште не е познато кој се' ќе вози. Трката на Водно ќе се бодува за осум првенства, меѓу кои и за: ФИА-члеинџ на ридски патеки, ФИА Е1 европски куп, ФИА централно европска зона, Алпе Адриа куп, Адриатик Куп и националните првенства на Македонија, Црна Гора и Хрватска. Со Водно официјално почнува и новата сезона во Македонија, но, на прес-конференцијата на организаторот немаше ниту збор за националното првенството, ни претставник на новата автомобилистичка федерација.Должината на патеката е 3.500 м со висинска разлика меѓу стартот и целта од 168 метри. Рекордот на патеката го има Фрањо Кунчер, со време 1:51,50 минути, постигнат лани кога првпат трката се возеше на новата патека, пократка за 300 метри од вообичаената. За соборување на рекордот тркачот ќе добие пехар и награда од 150 евра.

Вест:

АВТОМОБИЛИЗАМ - "ВОДНО 2008"
Годинава со поголем квалитет отколку квантитет

Новата автомобилистичка сезона во Македонија започнува викендов на патеката на Водно, каде ќе се вози меѓународниот ридски натпревар, кој по јубилеен петти пат ќе биде дел од официјалниот календар на ФИА. Се очекува да настапат 80-тина возачи од земјава и од странство, а трките ќе се бодуваат за Европскиот куп на ФИА, ИХЦЦ, ЦЕЗ, како и за дел од балканските ридски првенства, освен за српското.
Од позвучните европски возачки имиња најавено е учеството на Словакот Петар Јурена со својот "мицубиши лансер 9", како и веќе познатиот шампион на ЦЕЗ, Петар Лучиќ.
- Натпреварот, можеби, нема да биде масовен како лани, но оваа година очекуваме поквалитетни натпреварувачи и возила. Ќе има шест СТ-возила, како и три формули. Притоа ќе има повеќемина странски возачи отколку домашни - изјави директорот на натпреварот, Велибор Каевски.
Тркачкиот викенд започнува веќе в петок со техничките прегледи. В сабота се двете тренинг-сесии, а веќе следниот ден, во 11 часот, започнува првото возење.
Ќе се вози истата делница како и лани, а прогласувањето на победниците е во 17 часот в недела.

Утрински весник

Шампионите Хернади и Јурена в недела на Водно



Ласло Хернади и Петер Јурена се најзвучните имиња меѓу автомобилистите што го потврдија својот настап на ридско-брзинската трка „Награда на град Скопје - Водно 2008“ што в недела по петти пат ќе се вози како дел од календарот на ФИА. Хернади со своето „БМВ 3“ ќе го брани трофејот на Водно освоен минатата година, кога Унгарецот ја освои шампионската титула во Челинџ купот на ФИА во ридско-брзински натпревари. Словакот Јурена, пак, лани беше најдобар во Европскиот ридско-брзински шампионат, а на Водно ќе настапи со „мицубиши лансер е во 9“ во класата Н.

Една од ѕвездите на трката ќе биде и Петар Лучиќ, кој ќе вози во класата СП, во која се пријавени шест возила, а дополнителна привлечност на натпреварот ќе му обезбедат и трите болида „формула 3“. Потврдено е и учеството на возачи од Италија и од Бугарија, а има и неколку пријави од Грција, но нивното учество е неизвесно.

Поради ситуацијата во регионот и поради истовременото одржување на една трка од Шампионатот на Србија, годинава нема да се достигне ланскиот број од 98 возила. Организаторот Кастрол Примо рејсинг, сепак, очекува 70-80 натпреварувачи. Натпреварот, кој ќе биде втора трка од предвидените 17 сезонава, најавено е дека в недела од 10,30 ч. официјално ќе го отвори евроамбасадорот Ерван Фуере. Половина час подоцна е првото возење, а еден час по него ќе се одржи и втората трка.

Набљудувач од ФИА ќе биде Дагмар Шустер, повеќекратен првак на поранешна СФР Југославија и актуелен претседател на Автомото сојузот на Словенија.

Najava za trkata vo Kicevo od MK sport

Denesen Vest

Nova Makedonija

Makedonski Sport

Одлично деби на Стефановски

Вчера, на автодромот во Кичево, во касарната, се одржа првата трка од новата натпреварувачка сезона во автомобилизам на кружни патеки која беше во техничка организација на три клуба - АМК "Проспорт", авто картинг клубот "Сити" и АМК "Метрополис". Воедно ова беше и прв натпревар на кружни патеки откако е формирана Автомобилистичката федерација на Македонија. Учествуваа 32 натпреварувачи поделени во 6 класи, а трката ја следеа преку 5000 гледачи, што е завидна посетеност кога станува збор за Кичево.

Најбројни очекувано беа југовците во првата класа, до 1150 ццм3 каде стартуваа 13 учесници од кои 4 останаа без палсман, не ја завршија трката. Откажувања имаше и во третата, до 1600 ццм и во четвртата класа (до 2000 ццм3 НСП). Стартуваа петмина, завршија четворица, односно стартуваа четворица, завршија тројца. Без пласман останаа и двајцата пилоти во 6. класа +2000 ццм3 НА. Затоа, пак, во втората класа до 1400 ццм3 како и во петтата сите кои стартуваа обезбедија пласман.

Најпријатното изненадување со оглед дека премина во повисока класа го направи Игор Стефановски (АМК "Скопје") со Пежо, кој дебитираше со триумф во втората класа (1400 ццм3). Тоа, пак, само ја потврди тезата дека годинашниов шампионат на кружни патеки, во втората класа, ќе биде доста интересен и неизвесен од причина што токму во оваа класа заедно со Богатиноски (Пежо, Пауер спорт, Скопје) кој го освои второто место и со Велковски (Пежо, АМК "Н. Карев") кој заврши како третопласиран, ќе водат речиси мртва трка.

Во класата еден (1150 ццм3), кај југовците В. Давидовски (Пауер спорт) очекувано беше прв, пред А. Тодоровски (Сити) и пред Г. Јачев (Примо).

Во класата три до 1600 ццм3 Н. Порданов (Скопје) со својата Хонда ја забележа првата победа во оваа сезона, пред Б. Димитровски (Автоклиника со Голф) и пред О. Амет (Автоклиника, со Југо 65).

Владимир Димушевски (Примо), пак, со својата Алфа не дозволи изненадување. Триумфираше пред Т. Велевски (Автоклиника, Форд Е.), односно пред Д. Георгиевски (Автоклиника, Астра)

Петтата класа мина во знакот на познати "фаци". Победи Б. Јанакиевски (МП, со Хонда), втор беше Г. Данилов (МП, со Ходна), додека на третото место е човекот кој често знае да изненади, да се наметне. Тоа е А. Ѓорѓевиќ (Пауер спорт) со Рено.

Екипно, најмногу поени освои АМК "Скопје" со што го зазеде превото место, пред АМК "Пауер спорт" и третопласираниот АМК "Автоклиника".

Следната трка на кружни патеки на програмата ќе биде на 29 јуни повторно во Кичево.